రిలీజ్ లోనూ 'రచ్చ' రచ్చే
Ram charan's Rachcha will have a simultaneous release in Telugu, Hindi and Malayalam.
రామ్ చరణ్ తాజా చిత్రం రచ్చ రోజుకో న్యూస్ తో టాలీవుడ్ ని వేడిక్కిస్తోంది. తాజాగా రామ్ చరణ్ అభిమానులుకు ఆనందం కలిగేలా ఒకేసారి రచ్చ చిత్రాన్ని తెలుగు,హిందీ,మళయాళంలో విడుదల చేయటానికి సన్నాహాలు చేస్తున్నారు. ఆ తర్వాత తమిళంలో డిఫెరెంట్ పబ్లిసిటితో మార్కెట్ చేస్తారు. త్వరలో హిందీ మార్కెట్ లోకి రామ్ చరణ్ వెళ్తూండటంతో ఈ ఏర్పాట్లు చేస్తున్నట్లు తెలుస్తోంది. ఇక ఇప్పటికే రామ్ చరణ్ మగధీర చిత్రం మళయాళంలో విడుదలై మంచి వసూళ్లను తెచ్చిపెట్టింది. అక్కడ బన్నీకి మార్కెట్ ఉన్నట్లే రామ్ చరణ్ కి సైతం మార్కెట్ ఏర్పడింది.
ఈ నేపధ్యంలో అధ్యధిక ప్రింట్లతో మూడు భాషల్లో విడుదల చేసి మరో రికార్డుని క్రియేట్ చేయాలని దర్శక,నిర్మాతలు భావిస్తున్నారు. ఇక ఈ చిత్రంపై రామ్ చరణ్ కి సైతం చాలా అంచనాలు ఉన్నాయి. ఆరెంజ్ చిత్రం ఫెయిల్యూర్ ని మరిచిపోయేలా ఈ మాస్ మసాలా చిత్రం రూపొందిందని చెప్తున్నారు. అలాగే గ్యాంగ్ లీడర్ లోని వానా వానా వెల్లు వాయే పాట రీమిక్స్ సైతం సినిమాకు హైలెట్ అవుతుందని భావిస్తున్నారు. ముఖ్యంగా ఈ సినిమాలో భారీ ఖర్చుతో ఫైట్స్ ని షూట్ చేసారు. ఈ సినిమా తర్వాత ఫైట్స్ అంటే రామ్ చరణ్ అనేలా ఉంటాయని యూనిట్ వర్గాలు వ్యాఖ్యానిస్తున్నాయి.
Posted by Andhra Gossips
on 22:56. Filed under
Actors Gossips,
Telugu Gossips,
Tollywood Actors
.
You can follow any responses to this entry through the RSS 2.0.
Feel free to leave a response
